Zoram Thar

Zofate Pathian Biakinpui leh Hnam Lungphun

Zofate Pathian Biakinpui leh Hnam Lungphunna tur hmun hi nikum June thlaah kan Hruaituten Thenzawl rama an zin tumin tawngtainaah hlanin Thanzawl khaw mite nen an zawng a. Hmun remchang tak, Thenzawl Phaipui, Kanaan vengah an hmu a. Pathian kaihhruainain tlawmtein he ram hi neih a ni a, February 2020 atangin a hmun laih hnatlang hi neih a ni. Tun kum November 2020 hian Zofate Haw Runpui leh Hnam Inkhawmpui Thianghlim neihna tura, Pandal zarna tur a ni a, hetah hian Zofate Hnam Lungphun nghal a ni ang. Thenzawl khua Bawngtuthlawhlian (JCB) neituten phal takin tum thum an hnatlang tawh a ni. 

Zofate Haw Runpui leh Hnam Inkhawmpui Thianghlim

November 10-12, 2020 ah Zofate Haw Runpui leh Hnam Inkhawmpui Thianghlim Thenzawl Phaipui, Kanaan Vengah neih tur a ni a. Zofate zawng zawng tel vek turin kan sawm a, inziahluhna (registration) chu Eventbrite link (https://www.eventbrite.co.uk/e/zofate-haw-runpui-leh-hnam-inkhawmpui-thianghlim-zofate-homecoming-and-sacred-national-conference-tickets-104309456392) ah hian a ti theih e. 

UN nen indawr zel

September 2019 ah khan kan Hruaitu Rev. Dr. Zaichhawna Hlawndo United Nations General Assembly (UNGA) a chhim a. Tunah hian Prof. Joshua Cooper puihnain UN meeting (online leh offline) hrang hranga telin kan hnam nihna (identity) chungchangah Zoram Thar (NGO) angin hma lak mek a ni.